讀者投稿《計到足嘅外母篇》
小弟同女友已經拍拖六年，正打算明年結婚。小弟本身家境只屬小康，並不富有，屋企只係住居屋同有份兩萬零蚊嘅正職。我女友母親，即未來外母，屬於尖酸刻薄型，開頭有反對我地一齊，因為佢想我女友嫁得好d，但無奈佢個女鐘意我，所以無計✌
好喇，甘我地同佢講話結婚啦，開頭就成日講你地中意點就點，我做外母嘅無意見，最緊要你地開心就得。我外父就真係咩都無所謂嘅，所以我地咪諗住旅行結婚就算，一黎可以慳錢，二黎可以擺脫麻煩嘅傳統儀式。
甘好啦，我地就同佢講話旅行結婚就算，點知佢一聽到就西面，話第一次嫁女要有睇面，又話親戚朋友多，唔可以唔擺。喂大姐丫，又係你話中意點就點，我地開心就得，而家又甘樣，想點丫？😥
而家我同女友仲煩緊應該點，我外母又同我女友講禮金過大禮要做足，我女友同佢講左我冇乜錢，但佢一句冇錢唔好學人結婚激爆我女友。。。
婚仲未結已經甘多麻煩。。。真係唔知之後點算。。。😥😥
Search